 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не схавацца ад жыцьця
Hi за якай шырмай.
Кожны дзень свайго быцьця
Адкрываю шырай.
Не прадаўся за грашы.
Не растраціў розум.
Лipy звонкую душы
Не зьмяняў на прозу.
Хоць i прозаю жыву,
Хоць i пахну потам,
А паэзію заву
Чорнаю работай.
Не таму, што сам я свой
У яе заступнік,
Што ня потам, а крывёй
На душы праступіць,
А таму, што — без канца! —
Працы той штодзённай
Не паставіш ты вянца
Да магілы цёмнай.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
